Ich ha fü solang gwüsst weri bi
Wasi cha
Wo hi gah
Und mit wem
Und warum
Und drum
Bini glücklich gsii

Han gmeint ich heg e Ufgab uf dem Planet
Ha d Wält oft gseh vo obe winen Prophet
Und au wenn niemert nie het gwüsst weri bi
I hami gärn gha

Ha tanzä, ha gsunge
Bi wines Reh umegsprunge
Ha Freud gha am Läbe
Ha gwüst nüüt isch je vergebä
Bi wiit ide Wält ume cho
Han eifach gwüssts mi sind all fürenand Da

Ha glaubt a di gross Liebi
Ha güebt und probt wie lieb sii
Wie rede, wie berüehr
ha dänkt, ich wett doch scho üebe
Beziehig isch s schönst uf de Wält
Fründe sind mir wert alles Gäld

Doch dänn isch mer alles abhande
Bi glandet amne Ort
s het mer all Sinn gno
Ha nüm gwüsst wasi mach und warum
Alles liit braach

Und ihr sind immer no da
Säged: Anschi chum gahts
Alles chunt guet
Heb dure, heb Muet
Gan doch nomal id Therapie
Ich dänk, das chas doch nid sii
Und überhaupt: Ich bin müed

Und ständig die Sehnsucht nachme alte Ich
Mini Chleider passed nümm
Du bisch nümme min Fründ
Ich bin ruiniert und blamiert
Doch: Under Ruine berged sich Schätz

Therapie isch doch au nid nur d Lösig
s müsst doch ga au mit dir
Im ne gmeinsame MIR
Mitenand
Gebed eus d Hand
 

Eifach - nomal - neu